Тыдень беларускай мовы і літаратуры
У перыяд з 06.03.2023 - 11.03.2023г. у дзяржаўнай установе адукацыі “Сярэдняя школа № 8 г.Рэчыцы” праходзіў тыдень беларускай мовы і літаратуры.
Асноўнай мэтай і задачамі тыдня з’яўляюцца:
- павышэнне прафесійнай кампетэнцыі настаўніка;
- удасканаленне грамадзянска-патрыятычнага выхавання вучняў і развіцця ў іх нацыянальнага гонару, зацікаўленне вучняў пошукавай дзейнасцю па вывучэнні мінулага свайго краю;
- усведамленне вучнямі мовы як феномена культуры, далучэнне вучняў да набыткаў айчыннай мастацкай славеснасці, развіццё здольнасці да эстэтычнага ўспрымання і ацэнкі з’яў літаратуры;
- развіццё інтэлектуальнай, камунікатыўнай, духоўна-маральнай, грамадзянскай культуры вучняў.
У тыдні беларускай мовы і літаратуры прымалі ўдзел вучні ўсіх класаў.
У ходзе падрыхтоўкі да тыдня беларускай мовы і літаратуры быў праведзены своеасаблівы інтэлектуальна-пазнавальны марафон . Вучні наведвалі музей, падарожнічалі па вуліцах горада з фотаапаратам, пісалі сачыненні, вучылі вершы беларускіх паэтаў пра Радзіму.
На працягу тыдня ўсім прапанавалася гаварыць на нашай мове – акцыя “ Не маўчы па-беларуску”. Аформлены выставы “Словы роднай мовы”, “Гістарычныя асобы”, “Архітэктура Беларусі”. Былі праведзены акцыя “Воблака любімых родных слоў”, флаер-фэст “Шчырыя словы роднай мовы”, конкурс “Лепшы рабочы сшытак”. Вучні 6-7 класаў выйшлі на вясёлы перапынак “Полька беларуская”.
Настаўнікі на высокім узроўні правялі адкрытыя ўрокі. Лёгенькая К.В. правяла ўрок беларускай мовы па тэме “ Пабочныя словы”. У адзінаццатым класе прайшоў адкрыты ўрок па тэме “ Знакі прыпынку ў сказах з чужой мовай” (настаўнік Несцярчук В.У.). У 6 “Б” класе настаўнік Сцепаненка Т.М. правяла адкрыты ўрок “ Падагульненне і сістэматызацыя па тэме “Прыметнік”. Моўчан Н.П. правяла адкрыты ўрок у 5 “А” класе “Раздзяляльны мяккі знакі апостраф” і моўны турнір для пятых класаў ”Адкрываю нанова беларускае роднае слова”.
У суботу прайшла алімпіяда алімпіяда па беларускай мове і літаратуры сярод вучняў 3-9 класаў, былі падведзены вынікі і ўзнагароджаны пераможцы.
Тыдзень беларускай мовы і літаратуры быў праведзены на высокім метадычным узроўні. Вучні праявілі высокую актыўнасць і зацікаўленасць. Настаўнікі праявілі майстэрсва і высокі ўзровень падрыхтоўкі. Выкарыстоўвалі розныя прыёмы і метады.
